काठमाडौं । साताको अन्तिम कारोबार दिन ङादी ग्रुप पावरको सेयर मूल्यमा उछाल आएको छ । बिहीवार कम्पनीको सेयर मूल्य ९.४० प्रतिशतले वृद्धि भएको हो । प्रतिकित्ता ४९ रुपैयाँले वृद्धि भएको कम्पनीको सेयर मूल्य ५७० रुपैयाँ पुगेको छ ।
यस्तै, आज रैराङ हाइड्रोपावर , गणपति माइक्रोफाइनान्स वित्तीय संस्था, मञ्जुश्री फाइनान्स, एनआईबिएल समृद्धि फण्ड–२, लिवर्टी इनर्जी कम्पनीको सेयर मूल्य उच्च दरमा वृद्धि भएको छ ।
उक्त दिन रैराङ हाइड्रोपावरको ८.९१ प्रतिशत अर्थात प्रतिकित्ता ३५ रुपैयाँले वृद्धि भई ४२८, गणपति माइक्रोफाइनान्स ७.८८ प्रतिशत अर्थात प्रतिकित्ता १३० रुपैयाँले वृद्धि भई १ हजार ७८०, मञ्जुश्री फाइनान्सको ७.८३ प्रतिशत अर्थात प्रतिकित्ता ९३ रुपैयाँले वृद्धि भई १ हजार २८०, एनआईबिएल समृद्धि फण्ड–२ को ७.७८ प्रतिशत र लिवर्टी इनर्जीको ७.०४ प्रतिशतले वृद्धि भएको छ ।
साताको अन्तिम कारोबार दिन यीसहित दर्जनौं कम्पनीका लगानीकर्ताहरुले कमाएका छन् । आज गोर्खाज फाइनान्स, युनाईटेड मोदी हाइड्रोपावर, नेपाल हाइड्रो डेभलपर्स, मिर्मिरे माइक्रोफाइनान्स डेभलपमेन्ट बैंक, पञ्चकन्या माई हाइड्रोपावर, कुमारी इक्विटी फण्ड, खानीखोला हाइड्रोपावर लगायतका लगानीका लगानीकर्ताहरुले कमाएका हुन् ।
यी हुन आज कमाउने कम्पनीहरु:
वि.सं.२०७८ असार ३१ बिहीवार १५:१२ मा प्रकाशित