काठमाडौं । सरकारले साउन ३ गते ४ बजे प्रतिनिधि सभाको बैठक बोलाउन राष्ट्रपतिसमक्ष सिफारिस गरेको छ।
बिहीबार प्रधानमन्त्री तथा मन्त्रिपरिषद्को कार्यालय सिंहदरबारमा बसेको मन्त्रिपरिषद् बैठकले उक्त सिफारिस गरेको बताइएको छ ।
यस्तै बैठकले सत्य निरुपण तथा मेलमिलाप आयोग र बेपत्ता छानबिन आयोगको म्याद १ वर्षका लागि थप गर्ने निर्णय गरेको हो । आयोगसहित आयोगका पदाधिकारीको म्याद पनि एक वर्ष थपिएको सरकारका प्रवक्ता ज्ञानेन्द्र बहादुर कार्कीले बताउनुभयो ।
वि.सं.२०७८ असार ३१ बिहीवार १५:१८ मा प्रकाशित
