काठमाडौं । सेयर बजारले नयाँ रेकर्ड कायम गरेको छ । मंगलबारको कारोबारमा बजारले आफ्नो रेकर्ड तोड्दै नयाँ रेकर्ड कायम गरेको हो । यो सँगै बजार अब ३१ सयको बाटोमा लागेको छ ।
मंगलबारको कारोबारमा नेप्से मापन गर्ने सूचक २९.२३ अंकले बढेर ३०७९.६६ बिन्दुमा रोकिएको छ । २२५ कम्पनीको ३ करोड २३ लाख ५५ हजार २६० कित्ता सेयर १५ अर्ब १७ करोड ६ लाख ५१ हजार ६४३ रुपैयाँमा कारोबार भएको छ ।
यो दिनको कारोबारमा ठूला कम्पनीको कारोबार मापन गर्ने सेन्सेटिभ इन्डेक्स ३.१९ अंकले बढेर ५७४.३० बिन्दुमा रोकिएको छ ।
कारोबारमा बैंकिङ माइक्रोफाइनान्स, टे«डिङ र होटल तथा टुरिजम समूहको उपसूचकमा सुधार देखिएको छ भने बाँकी समूहको उपसूचकमा गिरावट आएको छ ।
कारोबारमा विकास बैंक ३५.५७, जलविद्युत ११९, वित्त ७१.०४, निर्जीबन बीमा १२०.२६, उत्पादन तथा प्रशोधन ३०५.१८, जीवन बीमा समूूहको उपसूचक २६०.०८ अंकले बढेको छ । कारोबार रकमका आधारमा एनआईसी एशिया बैंक अगस्थानमा रहेको छ । बैंकको ४९ करोड १५ लाख ५० हजार रुपैयाँ बढीको कारोबार भएको छ । यस्तै दोस्रो र तेस्रो स्थानमा अपी पावर कम्पनी र यूनाइटेड मोदी हाईड्रोपावर कम्पनी रहेका छन् ।
वि.सं.२०७८ साउन १२ मंगलवार १५:०७ मा प्रकाशित