काठमाडौं । साताको अन्तिम कारोबार दिन अर्थात बिहीवार नेपाल बैंकको २ लाख बढी कित्ता सेयर खरिदबिक्री भएको छ ।
नेपाल स्टक एक्सचेञ्ज(नेप्से)का अनुसार आज बैंकको २ लाख २१ हजार ९०३ कित्ता सेयर खरिदबिक्री भएको हो । उक्त दिन बैंकको १० करोड ७३ लाख १५ हजार २१३ रुपैयाँ बराबरको सेयर कारोबार भएको छ ।
बिहीवार बैंकको सेयर मूल्यमा भने सामान्य गिरावट आएको छ । आज बैंकको सेयर मूल्य शून्य दशमलव ३३ प्रतिशतले घटेको हो । उक्त दिन प्रतिकित्ता १ रुपैयाँ ६० पैसाले घटेको बैंकको सेयर मूल्य ४८४ रुपैयाँ रहेको नेप्सेले जनाएको छ ।
वि.सं.२०७८ साउन १४ बिहीवार १५:५५ मा प्रकाशित