काठमाडौं । जीवन विकास लघुवित्त वित्तीय संस्थाले नाफामा उल्लेखीय सुधार गरेको छ । कम्पनीले गत आर्थिक वर्षमा करिव ६९ करोड बढी नाफा कमाएको छ ।
बिहीवार कम्पनीले सार्वजनिक गरेको गत आव २०७७/७८ को चौथो त्रैमासिक वित्तीय अवस्थाको तथ्याङ्क अनुसार ६८ करोड ९५ लाख ५८ हजार रुपैयाँ नाफा कमाएको छ ।
कम्पनीको नाफा अघिल्लो आर्थिक वर्षको सोही अवधिको तुलनामा १०१.९६ प्रतिशत अर्थात दोब्बर वृद्धि भएको हो । उक्त अवधिमा कम्पनीले ३४ करोड १४ लाख २३ हजार रुपैयाँ नामा आर्जन गरेको थियो ।
कम्पनीले गत आवको खुद ब्याज आम्दानी १ अर्ब ४१ करोड ६७ लाख ११ हजार रुपैयाँ रहेको छ । उक्त अवधिमा ६७ करोड १७ लाख १६ हजार रुपैयाँ खराव कर्जा उठाउन सफल भएको छ । अघिल्लो वर्षको सोही अवधिमा भने १० करोड २ लाख १० हजार रुपैयाँ खराब कर्जा उठाएको थियो ।
कम्पनीको चुक्तापुँजी ६० करोड ८४ लाख रुपैयाँ रहेको छ । जगेडा तथा कोषमा भने १ अर्ब ३० करोड ९४ लाख ७ हजार रुपैयाँ राखेको छ ।
कम्पनीको अघिल्लो वर्षको चौथो त्रैमाससम्ममा शून्य दशमलव २९ प्रतिशत रहेको खराब कर्जा गत वर्षको सोही अवधिमा वृद्धि भई शून्य दशमलव ६१ प्रतिशत पुगेको छ ।
कम्पनीको प्रतिसेयर आम्दानी ११३ रुपैयाँ ३४ पैसा र प्रतिसेयर नेटवर्थ ३१५ रुपैयाँ २२ पैसा रहेको छ ।
वि.सं.२०७८ साउन २१ बिहीवार १०:२७ मा प्रकाशित