काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा प्रकाशित गरेको छ । बोर्डले २०७७ सालको नतिजा सार्वजनिक गरेको हो ।
विद्यालयले गरेको आन्तरिक मूल्यांकनको आधारमा यो नतिजा सार्वजनिक गरेको परीक्षा नियन्त्रक रुद्र प्रसाद अधिकारीले बताउनुभयो ।एसईई परीक्षाको नतिजा बोर्डको वेबसाइट, एसएमएस र आईभीआर मार्फत हेर्न सकिने छ ।
परीक्षाको नतिजा नेपाल टेलिकमको १६०० एनसेलको १६०० मा एसएमएस गरेर थाहा पाउन सकिने छ । साथै इजी सर्भिस प्रालिबाट ३४९४९ आकाश टेक प्रालिबाट ३१००३ र जानकी टेक्नोलोजी प्रालि मार्फत् ३५००१ मा एसएमएस गरेर थाहा पाउन सकिने छ ।
वि.सं.२०७८ साउन २३ शनिवार १५:४१ मा प्रकाशित
