काठमाडौं । दिव्यश्वरी हाइड्रोपावर कम्पनीले गत आर्थिक वर्ष २०७७/७८ को चौथो त्रैमासिक वित्तीय अवस्था सार्वजनिक गरेको छ ।
मंगलबार सार्वजनिक गरेको वित्तीय विवरण अनुसार कम्पनी गत वर्ष ३ करोड ३ लाख ४५ हजार रुपैयाँ नोक्सानीमा देखिएको छ ।अघिल्लो वर्ष पनि ४ करोड ३४ लाख ६६ हजार रुपैयाँ नोक्सानी रहेको कम्पनीले यस वर्ष भने कमी देखिएको हो ।
अघिल्लो वर्षको तुलनामा कम्पनीको विद्युत बिक्रीबाट हुने आम्दानीमा पनि कमी देखिएको छ । अघिल्लो वर्ष ७ करोड ७३ लाख १७ हजार रुपैयाँ आम्दानी गरेको कम्पनीले गत वर्ष भने ७१ लाख ९६ हजार रुपैयाँले घटेको छ ।
कम्पनीको चुक्तापुँजी २६ करोड ४० रुपैयाँ रहेको छ । कम्पनीको जगेडा तथा कोष गत वर्ष थप ऋणात्मक भएको छ । अघिल्लो वर्ष १७ करोड ५० लाख २१ हजार रुपैयाँ ऋणात्मक रहेको जगेडा कोष गत वर्ष बढेर २० करोड ५३ लाख ६६ हजार रुपैयाँ पुगेको छ ।
कम्पनीको प्रतिसेयर आम्दानी ११ रुपैयाँ ४९ पैसा प्रतिसेयर नेटवर्थ २२ रुपैयाँ २१ पैसा रहेको छ ।
वि.सं.२०७८ साउन २६ मंगलवार ११:३८ मा प्रकाशित