काठमाडौं । मानुषी लघुवित्त वित्तीय संस्थाको आईपीओमा करिव ५ लाखले आवेदन दिएका छन् । कम्पनीको आईपीओमा पहिलो दिनमै ५ लाख ८१ हजार ६६३ जनाको आवेदन परेको हो ।
बिक्री प्रबन्धक नेपाल एसबिआई मर्चेण्ट बैंकिङ लिमिटेडका अनुसार ७९ करोड २ लाख ५१ हजार रुपैयाँ बराबरको ७९ लाख २ हजार ५२० कित्ताका लागि आवेदन परेको छ ।
कम्पनीले आजदेखि प्रति कित्ता एक सय रुपैयाँको दरले ३ करोड ९५ लाख ७५ हजार रुपैयाँको ३ लाख ९३ हजार ७५० कित्ता सेयर निष्काशन गरेको हो ।
जसमा ५ हजार ४६९ कित्ता कर्मचारी र १९ हजार ६८८ कित्ता सामूहिक लगानी कोषका लागि छुट््याएर बाँकी रहेको ३ लाख ६८ हजार ५९३ कित्ता सर्वसाधारणका लागि निष्काशन भएको छ । आइपीओमा न्युनतम १० कित्ता र अधिकतम एक हजार कित्ताका लागि आवेदन दिन सकिने कम्पनीले जनाएको छ ।
उक्त आईपीओमा छिटोमा साउन ३१ गते बैंकिङ कारोबार समयसम्म आवेदन दिन सकिने छ । माग बमोजिम आवेदन नपरेको खण्डमा भदौ ९ गतेसम्म दिन पाइने कम्पनीले जनाएको छ ।
वि.सं.२०७८ साउन २७ बुधवार १७:१४ मा प्रकाशित
