काठमाडौं । नेपाल राष्ट्र बैंकले आर्थिक वर्ष २०७८-७९ को मौद्रिक नीति आज (शुक्रबार) सवा ४ बजे सार्वजनिक गर्ने भएको छ । राष्ट्र बैंकका अनुसार आज ४ बजेर १५ मिनेटमा मौद्रिक नीति सार्वजनिक हुन लागेको हो ।
अघिल्ला वर्षहरुमा साउन पहिलोसातासम्म सार्वजनिक हुने मौद्रिक नीति यो वर्ष भने साउन अन्तिम साता सार्वजनिक हुन लागेको हो । असार अन्तिममा सरकार परिवर्तन भएको र नयाँ सरकारले स्वेतपत्र ल्याएपछि मात्रै मौद्रिक नीति सार्वजनिक गर्ने भनेपछि आज सार्वजनिक हुन लागेको छ ।
अर्थमन्त्रालयका हस्तक्षेपको कारण समयमा नै मौद्रिक नीति आउन नसकेको हो । यसले राष्ट्र बैंकको स्वायत्ततामा समेत गम्भिर प्रश्न खडा गरेको छ । पछिल्लो समयमा राष्ट्र बैंकले आफ्नो स्वायत्तता कायम राख्न नसकेको भन्दै आलोचना समेत सुरु भएको छ ।
वि.सं.२०७८ साउन २९ शुक्रवार ११:३८ मा प्रकाशित
