काठमाडौं । गत आर्थिक वर्ष २०७७-०७८ मा बैंकहरुको नाफासँगै वितरणयोग्य नाफामा पनि सुधार देखिएको छ ।
सञ्चालनामा रहेका २७ वटै वाणिज्य बैंकले गत आवको वित्तीय अवस्था सार्वजनिक गरेका छन् । गत आर्थिक वर्षको वित्तीय विवरण प्रकाशित गरिसकेका छन् ।
उक्त विवरण अनुसार बैंकको लाभांश दिन सक्ने क्षमता पनि निकै बढेको छ । बैंकहरुको वित्तीय अवस्था हेर्दा २० प्रतिशत भन्दा बढी लाभांश दिन सक्ने क्षमता भएका ४ वटा बैंक, १० प्रतिशत भन्दा बढी १५ वटा र बाँकी बैंकको लाभांश दिन सक्ने क्षमता १० प्रतिशत भन्दा कम रहेको छ ।
बैंकको वित्तीय अवस्था हेर्दा लाभांश धेरै दिने क्षमता नबिल बैंकको रहेको छ । नबिल बैंकको लाभांश दिन सक्ने क्षमता २९.९४ प्रतिशत देखिएको छ । तर नबिल भन्दा पनि बढी लाभांश दिन सक्ने क्षमता राष्ट्रिय वाणिज्यको रहेको छ । तर वाणिज्य बैंक नेप्सेमा सूचिकृत छैन । त्यसले यसले लगानीकर्ता तथा पुँजी बजारमा कुनै पनि प्रभाव राख्दैन ।
गत आवको चौथो त्रैमास सम्ममा नबिल बैंकको वितरणयोग्य नाफा ४ अर्ब १४ करोड ६२ लाख रुपैयाँ रहेको छ । असार मसान्तसम्म बैंकको चुक्ता पुँजी १३ अर्ब ८४ करोड ४४ लाख रुपैयाँ रहेको छ । यसलाई हेर्दा बैंकले २९.९४ प्रतिशत लाभाश दिन सक्ने देखिएको छ ।
नबिल बैंक पछि नेपाल बैंकले लगानीकर्तालाई धेरै लाभांश दिन सक्ने देखिएको छ । बैंकको लाभांश वितरण क्षमता २७.६७ प्रतिशत देखिएको छ । असार मसान्तसम्म बैंकको वितरणयोग्य नाफा ३ अर्ब ४९ करोड ७० लाख रुपैयाँ रहेको छ भने चुक्ता पुँजी १२ अर्ब ६३ करोड ६७ लाख रुपैयाँ रहेको छ ।
यस्तै एभरेष्ट बैंकको लाभांश दिन सक्ने क्षमता २६.४७ प्रतिशत देखिएको छ । बैंकको नाफा घटेपनि लाभांश दिने सक्ने क्षमता पनि राम्रो देखिएको छ । असार मसान्तसम्म बैंकको वितरणयोग्य नाफा २ अर्ब ३६ करोड ४९ लाख रुपैयाँ रहेको छ । बैंकको चुक्ता पुँजी ८ अर्ब ९३ करोड ३७ लाख रुपैयाँ रहेको छ ।
नाफामा सामान्य सुधार भएपनि हिमालन बैंकले लगानीकर्तालाई २०.३१ प्रतिशत लाभांश दिनसक्ने क्षमता राखेको छ । असार मसान्तसम्म बैंकको वितरणयोग्य नाफा २ अर्ब १६ करोड ९८ लाख रुपैयाँ रहेको छ । असार मसान्तसम्म बैंकको चुक्ता पुँजी १० अर्ब ६८ करोड ४४ लाख रुपैयाँ रहेको छ ।
यस्तै सानिमा बैंकको पनि लाभांश वितरण गर्ने क्षमता असार मसान्तसम्म हेर्दा १७.४५ प्रतिशत लाभांश दिनसक्ने क्षमता राखेको छ । यो अवधिमा बैंकको वितरणयोग्य नाफा १ अर्ब ६८ करोड ९७ लाख रुपैयाँ रहेको छ भने चुक्ता पुँजी ९ अर्ब ६८ करोड १५ लाख रुपैयाँ रहेको छ ।
पछिल्लो समयमा बैंकिङ क्षेत्रमा निकै चर्चामा रहेको एनआइसी एशियाको लगानीकर्तालाई लाभांश दिन सक्ने क्षमता १६.६२ प्रतिशत रहेको देखिएको छ । असार मसान्तसम्म बैंकको वितरणयोग्य नाफा १ अर्ब ९२ करोड १७ लाख रुपैयाँ रहेको छ भने चुक्ता पुँजी ११ अर्ब ५६ करोड ४० लाख रुपैयाँ रहेको छ ।
बैंकहरुले गत आवको चौथो त्रैमासको वित्तीय अवस्था सार्वजनिक गरिसकेका छन् । वित्तीय अवस्था हेर्दा प्राइम बैंकले लगानीकर्तालाई १६.५६ प्रतिशत लाभांश दिने क्षमता देखाएको छ । बैंकको वितरणयोग्य नाफा २ अर्ब ६६ करोड ३१ लाख रुपैयाँ रहेको छ भने चुक्ता पुँजी १६ अर्ब ८ करोड ३० लाख रुपैयाँ रहको छ ।
यस्तै नेपाल बंगलादेश बैंकले लगानीकर्तालाई १६.३८ प्रतिशत लाभांश दिने क्षमता राखेको छ । बैंकले गत आवको असार मसान्तसम्म १ अर्ब ४७ करोड ५२ लाख रुपैयाँ वितरणयोग्य नाफा आर्जन गरेको छ । बैंकको चुक्ता पुँजी ९ अर्ब ४८ लाख रुपैयाँ रहेको छ ।
एनएमबी बैंकले गत आवको नाफाबाट १४.३० प्रतिशत नगद लाभांश दिने क्षमता बनाएको छ । बैंकले यो अवधिमा २ अर्ब ३३ करोड ४७ लाख रुपैयाँ वितरणयोग्य नाफा आर्जन गरेको छ । हाल बैंकको चुक्ता पुँजी १६ अर्ब ३२ करोड ५९ लाख रुपैयाँ रहेको छ ।
स्ट्याण्डर्ड चार्टर्ड बैंकले १ अर्ब १७ करोड १७ लाख रुपैयाँ वितरणयोग्य नाफा आर्जन गरेको छ । बैंकले यसबाट लगानीकर्तालाई १३.६७ प्रतिशत लाभांश दिने क्षमता राखेको छ । बैंकको हाल ८ अर्ब ५७ करोड २२ लाख रुपैयाँ चुक्ता पुँजी रहेको छ ।
१ अर्ब ५७ करोड ८५ लाख रुपैयाँ वितरणयोग्य नाफा आर्जन गरेको सिटिजन्स बैंकको लगानीकर्तालाई लाभांश दिन सक्ने क्षमता १३.५४ प्रतिशत रहेको छ । हाल बैंकको चुक्ता पुँजी ११ अर्ब ६६ करोड २० लाख रुपैयाँ रहेको छ ।
यस्तै१ अर्ब ४८ करोड २४ लाख रुपैयाँ वितरणयोग्य नाफा रहेको प्रभु बैंकको लगानीकर्तालाइ लाभांश दिनसक्ने क्षमता १३.०६ प्रतिशत रहेको छ । असारसम्म बैंकको चुक्ता पुँजी ११ अर्ब ३४ करोड ७० लाख रुपैयाँ रहेको छ ।
ग्लोबल आईएमई बैंकले गत आवमा २ अर्ब ७६ करोड १९ लाख रुपैयाँ वितरणयोग्य नाफा आर्जन गरेको छ । बैंकका लगानीकर्तालाई लाभांश दिनसक्ने क्षमता १२.७७ प्रतिशत रहेको छ । बैंकको हाल २१ अर्ब ६३ करोड २५ लाख रुपैयाँ चुक्ता पुँजी रहेको छ ।
असार मसान्तसम्म १ अर्ब १३ करोड २७ लाख रुपैयाँ वितरणयोग्य नाफा रहेको माछापुच्छ्रे बैंकको लगानीकर्तालाई लाभांश दिनसक्ने क्षमता १२.५१ प्रतिशत रहेको छ । हाल बैंकको चुक्ता पुँजी ९ अर्ब ५ करोड ३० लाख रुपैयाँ रहेको छ ।
यस्तै नेपाल इन्भेष्टमेन्ट बैंकको लगानीकर्तालाई लाभांश दिने क्षमता १२.२६ प्रतिशत देखिएको छ । बैंकले असार मसान्तसम्म १ अर्ब ९९ करोड ३३ लाख रुपैयाँ वितरणयोग्य नाफा आर्जन गरेको छ । बैंकको चुक्ता पुँजी हाल १६ अर्ब २५ करोड ७३ लाख रुपैयाँ रहेको छ ।
बैंक अफ काठमाण्डू्को लागानीकर्तालाई लाभांश दिन सक्ने क्षमता ११.६७ प्रतिशत देखिएको छ । बैंकले असार मसान्तसम्म १ अर्ब १२ करोड ७१ लाख रुपैयाँ वितरणयोग्य नाफा आर्जन गरेको छ । हाल बैंकको चुक्ता पुँजी ९ अर्ब ६५ करोड ८१ लाख रुपैयाँ रहेको छ ।
बैंकको वित्तीय अवस्था हेर्दा सिद्धार्थ बैंकले असार मसात्तसम्म १ अर्ब २१ करोड ७६ लाख रुपैयाँ वितरणयोग्य नाफा आर्जन गरेको छ । बैंकको लगानीकर्तालाई लाभांश दिन सक्ने क्षमता ११.११ प्रतिशत रहेको छ । हाल बैंकको चुक्ता पुँजी १० अर्ब ९६ करोड २२ लाख रुपैयाँ रहेको छ ।
कृषि विकास बैंकको पनि लगानीकर्तालाई लाभां दिने सक्ने क्षमता १०.५६ प्रतिशत देखिएको छ । बैंकले असार मसान्तसम्म १ अर्ब ७३ करोड ५० लाख रुपैयाँ वितरणयोग्य नाफा आर्जन गरेको छ । हाल बैंकको चुक्ता पुँजी १६ अर्ब ४२ करोड २६ लाख रुपैयाँ रहेको छ ।
यस्तै मेगा बैंकको पनि लगानीकर्तालाई लाभांश दिन सक्ने क्षमता १०.३४ प्रतिशत रहेको छ । यो अवधिमा बैंकले १ अर्ब ५१ करोड ५८ लाख रुपैयाँ वितरणयोग्य नाफा आर्जन गरेको छ । यो अवधिमा बैंकको चुक्ता पुँजी १४ अर्ब ६५ करोड ४९ लाख रुपैयाँ रहेको देखिएको छ ।
९.३८ प्रतिशत लाभांश दिने क्षमता रहेको लक्ष्मी बैंकले गत आवको असार मसान्तसम्म १ अर्ब ३६ लाख रुपैयाँ वितरणयोग्य नाफा आर्जन गरेको छ । यो अवधिमा बैंकको चुक्ता पुँजी १० अर्ब ६९ करोड ५६ लाख रुपैयाँ रहेको छ ।
यस्तै ७.८८ प्रतिशत लाभांश दिन सक्ने क्षमता भएको कुमारी बैंकले असार मसान्तसम्म १ अर्ब ९ करोड ४२ लाख रुपैयाँ वितरणयोग्य नाफा आर्जन गरेको छ । यो अवधिमा बैंकको चुक्ता पुँजी १३ अर्ब ८७ करोड ८४ लाख रुपैयाँ रहेको छ ।
यस्तै ७१ करोड ४७ लाख रुपैयाँ वितरणयोग्य नाफा आर्जन गरेको एनसीसी बैंकको लगानीकर्तालाई लाभांश दिन सक्ने क्षमता ६.९३ प्रतिशत रहेको छ । हाल बैंकको चुक्ता पुँजी १० अर्ब ३१ करोड ४५ लाख रुपैयाँ रहेको छ ।
सेञ्चुरी बैंकले गत आवमा ५९ करोड ४६ लाख रुपैयाँ वितरणयोग्य नाफा आर्जन गरेको छ । यो अवधिमा बैंकको लगानीकर्तालाई लाभांश दिन सक्ने क्षमता ६.५८ प्रतिशत रहेको छ । हाल बैंकको चुक्ता पुँजी ९ अर्ब ३ करोड ४४ लाख रुपैयाँ रहेको छ ।
६० करोड १५ लाख रुपैयाँ वितरणयोग्य नाफा आर्जन गरेको सनराइज बैंकको लाभांश दिनसक्ने क्षमता ६.३४ प्रतिशत रहेको छ । हाल बैंकको चुक्ता पुँजी ९ अर्ब ४८ करोड ७९ लाख रुपैयाँ रहेको छ । वित्तीय विवरणहेर्दा सिभिल बैंकको लाभांश दिन सक्ने क्षमता ५.७७ प्रतिशत देखिएको छ । बैंकले असार मसान्तसम्ममा ४९ करोड ८५ लाख रुपैयाँ वितरणयोग्य नाफा आर्जन गरेको छ । बैंकको चुक्ता पुँजी हाल ८ अर्ब ६४ करोड ३६ लाख रुपैयाँ रहेको छ ।
यस्तै नेपाल एसबीआई बैंकको लाभांश दिन सक्ने क्षमता ३.५७ प्रतिशत देखिएको छ । असार मसान्तसम्म बैंकको वितरणयोग्य नाफा ३३ करोड ९२ लाख रुपैयाँ रहेको छ । हाल बैंकको चुक्ता पुँजी ९ अर्ब ४९ करोड ३५ लाख रुपैयाँ रहेको छ ।
वि.सं.२०७८ भदौ १ मंगलवार १५:४४ मा प्रकाशित