काठमाडौं । महालेखापरीक्षको कार्यालय अनुसार आर्थिक वर्ष २०७६-७७ मा ७ वटा प्रदेशमा ६ अर्ब ७५ करोड ७८ लाख रुपैयाँ बेरुजू देखिएको छ ।
जसमा सबैभन्दा बढी प्रदेश २ मा रहेको छ । महालेखापरीक्षक कार्यालयको ५८ औं वार्षिक प्रतिवेदन २०७८ ले उक्त कुरा देखाएको हो । उक्त आवमा प्रदेश नम्बर २ को बेरुजु १ अर्ब ४१ करोड ५८ लाख रहेको छ । प्रदेश २ लाई प्रदेश १ ले पछ्याएको छ । प्रदेश १ को बेरुजू १ अर्ब १७ करोड ५४ लाख रुपैयाँ रहेको छ ।
यस्तै बागमती प्रदेशको बेरुजू ६५ करोड ५८ लाख रुपैयाँ रहेको छ भने गण्डकी प्रदेशको ४५ करोड ८४ लाख रुपैयाँ रहेको छ । यस्तै लुम्बिनी प्रदेशको ८७ करोड ५८ लाख रुपैयाँ, कर्णाली प्रदेशको ६८ करोड ६६ लाख रुपैयाँ बेरुजु रहेको छ । सबैभन्दा कम बेरुजू भएको प्रदेश भनेको सुदूरपश्चिम प्रदेशको हो । यो प्रदेशको बेरुजू ४३ करोड १ लाख रुपैयाँ रहेको छ ।
वि.सं.२०७८ भदौ ४ शुक्रवार १९:१६ मा प्रकाशित
