काठमाडौं । स्वस्तिक लघुवित्त वित्तीय संस्थाले गत आर्थिक वर्ष २०७७÷७८ को चौथो त्रैमासिक वित्तीय अवस्था सार्वजनिक गरेको छ ।
कम्पनीले गत आवमा १ करोड ९० लाख ३७ हजार रुपैयाँ नाफा कमाएको छ । अघिल्लो आवमा ३० लाख २९ हजार रुपैयाँ नोक्सानीमा रहेको कम्पनीले नाफापमा छलाङ मारेको हो ।
कम्पनीले गत आवमा ३ करोड ७५ लाख ४ हजार रुपैयाँ खुद ब्याज आम्दानी गरेको छ । जुन अघिल्लो आवको सोही अवधिको तुलनामा ३०५.७९ प्रतिशतले बढी हो । अघिल्लो आवमा कम्पनीको खुद ब्याज आम्दानी ९२ लाख ४२ हजार रुपैयाँ रहेको थियो ।
कम्पनीको चुक्तापुँजी १ करोड २० लाख रुपैयाँ रहेको छ । कम्पनीको जगेडा तथा कोष भने ६८ लाख ५६ हजार रुपैयाँ ऋणात्मक देखिएको छ । उक्त कोष अघिल्लो आवमा पनि ३७ लाख ३२ हजार रुपैयाँ नोक्सानीमा रहेको थियो ।
गत आवमा कम्पनीको खराब कर्जा पनि वृद्धि भएको छ । अघिल्ल्लो आवमा ०.०८ प्रतिशत रहेको खराब कर्जा गत वर्षको चौथो त्रैमाससम्ममा बढेर ०.७८ प्रतिशत पुगेको छ ।
वि.सं.२०७८ भदौ ६ आइतवार ११:३५ मा प्रकाशित
