काठमाडौं । साताको पहिलो कारोबार दिन नेपाली बजारमा सुनको मुल्य घटेको छ । आइतबार छापावाला सुनको मूल्य प्रतितोला ३ सय रुपैयाँले घटेको हो ।
अघिल्लो दिन अर्थात शुक्रवार ९१ हजार २ सय रुपैयाँमा खरिदबिक्री भएको सुन आज घटेर ९० हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
उक्त दिनका लागि महासंघले तेजावी सुनको मूल्य भने ९० हजार ४ सय रुपैयाँ निर्धारण गरेको छ । अघिल्लो दिन ९० हजार ७ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा पनि गिरावट आएको छ । अघिल्लो दिन प्रतितोला ११ सय ९५ रुपैयाँमा खरिदबिक्री भएको चाँदी आज १५ रुपैयाँले घटेको हो । महासंघले आजका लागि चाँदीको मूल्य ११ सय ८० रुपैयाँ कायम गरेको छ ।
वि.सं.२०७८ भदौ ६ आइतवार ११:५१ मा प्रकाशित
