काठमाडौं । आज नागरिक लगानी कोषको संस्थापक सेयरमा आवेदन दिने अन्तिम दिन रहेको छ ।
एनआईसी एशिया बैंकको स्वामित्वमा रहेको कोषको ३ लाख ५० हजार ३६९ कित्ता संस्थापक सेयरमा गोप्य शिलबन्दी बोलपत्र पेश गर्ने अन्तिम दिन हो ।
भदौ ४ गतेदेखि लिलामाी आएको कोषको उक्त सेयर खरिदका इच्छुक जो कोही व्यक्ति, संघ÷संथाक वा कम्पनीहरुले तोकिएको आवेदन दिन सक्नेछन् ।
आवेदन दिदाँ तोकिएको न्युनतम मूल्य वा सो भन्दा बढी अंकित गरि बोलकबोल गर्नुपर्ने कम्पनीले जनाएको छ । उक्त सेयरको न्युनतम मूल्य १ हजार ४६३ रुपैयाँ तोकिएको छ ।
उक्त सेयर खरिदका लागि बोलकबोल गर्दा न्युनतम १ सय कित्ताका लागि र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ भदौ १८ शुक्रवार ११:३७ मा प्रकाशित