काठमाडौं । शाखा कार्यालय संचालनका लागि नबिल बैंकले भवन भाडामा खोजेको छ । देशका विभिन्न ११ स्थानमा शाखा कार्यालय संचालनका लागि भवन भाडामा खोजेको हो ।
एक सूचना निकाल्दै प्रमुख व्यापारिक तथा बजार क्षेत्रमा शाखा कार्यालय संचालनका लागि दुई तल्ला वा पहिलो तल्लाको ८ सयदेखि १ हजार २ सय वर्ग फुट क्षेत्रफल भएको भवन भाडामा आवश्यक रहेको जनाएको छ ।
बैंकले काठमाडौंको चन्द्रागिरी नगरपालिका–१२ नैकाप, तार्केश्वर नगरपालिका– ८ जरङखु, टोखा नगरपालिका– ७ टोखा ग्राण्डि, गोगंबु जलपा, कागेश्वरी मनोहरा नगरपालिका–५ थली डाँछी, शंखारापुर नगरपालिका–७ साँखु, ललितपुरको गोदावरी नगरपालिका–१४ ठैब, महालक्ष्मी नगरपालिका–४ इमाडोल, मंगलबजार, काठमाडौंको शंखमुल, भगवान पाउमा शाखा कार्याल भवन भाडामा खोजेको हो ।
प्रस्तावित भवनहरुमा पानी, बिजुली तथा पार्किङ्गको सुविधासहित घटीमा ६ मिटर चौडाईको मोटर बाटो हुनुपर्ने, भवन सकड विस्तार योजनामा नपरेको हुनुपर्ने र भुकम्प प्रतिरोधात्मक भवनलाई प्राथमिकता दिइने बैंकले जनाएको छ ।
भवनको भई तल्लामा एटीएम तथा जेनेरेटर राख्नका लागि स्थान उपलब्ध, कम्तीमा १५ वर्षको लागि भवन उपलब्ध गराउनुपर्ने बैंकले जनाएको छ । बैंकले घरभाडा भुक्तानी गर्दा प्रचलित कानून अनुसार सम्पूर्ण कर कट्टी गरिने बताइएको छ ।
वि.सं.२०७८ भदौ २२ मंगलवार १३:३८ मा प्रकाशित