काठमाडौं । एक्सेल डेभलपमेन्ट बैंकले असोज १६ गते शनिबार साधारणसभा गर्ने भएको छ । भदौ २२ गते बसेको संचालक समितिको २६०औं बैठकले उक्त दिन सभा गर्ने निर्णय गरेको हो ।
सभाले संचालक समितिबाट सिफारिस भए बमोजिम चुक्ता पुँजीको १२ प्रतिशत बोनस सेयर वितरण गर्नेछ ।
उक्त बोनस सेयर निष्काशनका लागि आवश्यक हदसम्म जारी तथा चुक्ता पुँजी वद्धि गर्न स्वीकृत प्रदान गर्नेछ ।
साथै अन्य कुनै उपयुक्त बैंक तथा वित्तीय संस्थासंग मर्जर वा प्राप्तिका लागि आवश्यक कार्य गर्न, सहमतिपत्र मा हस्ताक्षर गर्न समिति गठन, चल, अचल सम्पत्तिको मूल्यांकनकर्ताको नियुक्ति गर्न र निजको पारिश्रमिक निर्धारण लगायतका सम्पूर्ण कार्यका लागि संचालक समितिलाई अख्तियारी प्रदान गर्नेछ ।
सभा प्रयोजनका लािग बैंकले असोज १ गतेदेखि १६ गतेसम्म बुक क्लोज गर्ने भएको छ ।
वि.सं.२०७८ भदौ २९ मंगलवार १२:३४ मा प्रकाशित
