काठमाडौं । सांग्रिला डेभलपमेन्ट बैंकले काठमाडौंका विभिन्न व्यवसायिक क्षेत्रमा जग्गाको खोजेको छ ।
एक सूचना निकाल्दै बैंकको प्रयोजनका लािग व्यवासायिक क्षेत्रमा कम्तिमा २–३ रोपनी सम्मको जग्गा खरिद गर्न आवश्यक रहेको जनाएको छ ।
बैंकले बालुवाटर, भाटपटेन, गैह्रिधारा, नक्साल, टंगाल, पुतलीसडक, कमलादी, जयनेपाल, दरबारमार्ग, पानीपोखरी, लाजिम्पाट र महाराजगंजमा जग्गा खरिद गर्न लागेको हो ।
उक्त स्थानहरुमा जग्गा बिक्री गर्न इच्छुक व्यक्ति तथा संघ/संस्थाहरुले आजैका मितिले १५ दिन भित्र आवश्यक कागजात सहित गोप्य शिलबन्दी प्रस्ताव पेश गर्न सक्नेछन् ।
जसका लागि जग्गासंग सम्बन्धित व्यक्ति वा आधिकारिक व्यक्तिको बिक्री सम्बन्धी लिखित प्रस्ताव सहितको निवेदन, आफूले कबुल गरेको जग्गाको मूल्य उक्त सूचनाको अवधि सकिएको ३ महिनासम्म कायम रहने प्रतिवद्धतापत्र सहित पेश गर्नुपर्नेछ ।
जग्गााको हालसालै तिरो/कर तिरेको रसिद तथा खिचेको फोटो, ब्लु प्रिन्ट, ट्रेस नक्सा, प्रमाणित चार किल्ला र लोकेशन म्याप, एक वा एक भन्दा बढी जग्गाधनीहरुले संयुक्त रुपमा पनि प्रस्ताव गर्ने सक्नेछन् ।
साथै सडक विस्तार योजना अन्तर्गत नपरेको , परेको खण्डमा सडक विस्तारमा पर्ने क्षेत्रफल कट्टी गरि बाँकी रहने क्षेत्रफलको सुनिश्चिता पत्र, जग्गा कुनै पनि किसिमको कानूनी किचलो नभएको हुनुपर्नेछ ।
वि.सं.२०७८ भदौ २९ मंगलवार १३:०० मा प्रकाशित