काठमाडौं । टाटा अल्ट्रोजको विभिन्न ५ मोडेलका कारहरु नेपाल उपलब्ध रहेका छन् । नेपालका टाटाको आधिकारिक बिक्रेता सिप्रदी ट्रेडिङ प्रा.लिले गर्दै आएको छ ।
टाटा अल्ट्रोज कार एक्सई बिएस ४, एक्सएम बिएस, एक्सएम प्लस बिएस ६, एक्सटी बिएस ४ र एक्सजेट बिएस ४ मोडेल नेपालमा उलपब्ध छ ।
यी सबै मोडेलका गाडीको क्षमता १ हजार १९९ सीसी रहेको छ । यसमा तीन सिलिण्डर छ । यो १.२ लिटरको रेभोट्रन इन्जिन जडित गाडी हो ।
यो गाडीले ८६ पिएस पावर र ११३ एन एम टर्क प्रदान गर्दछ । साथै ५ स्पीड म्यानुअल प्रसारण गर्दछ । यसको फ्यूल ट्यांक ३७ लिटर क्षमताको रहेको छ ।
यसका लम्बाई ३ हजार ९९० एमएम, चौडाई १ हजार ७५५ एमएम र उचाई १ हजार ५२३ एमएम र पाङग्राको आधार २ हजार ५०१ एमएम रहेको छ । यसका साथै टर्निङ सर्कल रेडियस ५ मिटर रहेको छ । यसको अगाडि डिस्क र पछाडि ड्रम ब्रेक रहेको छ ।
यसमा मल्टी ड्राइभ (सिटी र इको) मोड रहेको छ । यसले स्पोर्टी ड्राइभिङ्ग डाइनामिक्स र इन्धन खपतको प्रभावकारीतालाई सन्तुलन कायम गर्दछ ।
अल्ट्रोजको विशेषता भनेको आइडल स्टप र स्टार्ट बटन, क्रुज कन्ट्रोल, अटोमेटिक क्लाइमेट कन्ट्रोल एसी, एम्बिन्ट मुड लाइटिङ हो । यसका साथै ९० डिग्री डोर ओपनिङ, अटो हेडल्याम्प, रेन सेन्सिङ वाइपर लगायतका विशेषताहरु रहेका छन् । सुरक्षाका लागि गाडीको सबै भेरिएन्टमा एबिएस, इबिडी, सिएससी र डुअल एअरब्यागहरु रहेको कम्पनीले जनाएको छ ।
टाटा अल्ट्रोज नेपालमा खैरो, गोल्ड, निलो, रातो, सेतो गरि चार रंगमा उलपब्ध रहेको छ । टाटाको कारहरु ६ मोडेलमा उपलब्ध छन् । जसको न्युनतम २४ लाख रुपैयाँदेखि ९० लाख रुपैयाँसम्म पाइन्छ ।
यीमध्ये एक्सई बिएस ४को २९ लाख ९९ हजार, एक्सएम बिएस ४ को ३२ लाख ५५ हजार, एक्सएम प्लस बिएस ६को ३५ लाख ५० हजार, एक्सटी बिएस ४ को ३६ लाख ५५ हजार र एक्सजेट बिएस ४को ३८ लाख ९५ हजार रुपैयाँ मूल्य पर्दछ ।
वि.सं.२०७८ असोज १ शुक्रवार १५:०७ मा प्रकाशित
