काठमाडौं । साताको दोस्रो कारोबार दिन नेपाल इन्फ्रास्ट्रक्चर बैंकको सेयर मूल्य वृद्धि भएको छ । मंगलबार कम्पनीको सेयर मूल्य ४.६६ प्रतिशतले वृद्धि भएको हो ।
उक्त दिन कम्पनीको सेयर मूल्य प्रतिकित्ता १७ रुपैयाँले वृद्धि भएको छ ।योसंगै आज कम्पनीको सेयर मूल्य ३ सय ८२ रुपैयाँ कायम भएको हो ।
नेपाल स्टक एक्सचेञ्ज(नेप्से)का अनुसार आज कम्पनीको २० करोड ४६ लाख ११ हजार रुपैयाँ बराबरको सेयर कारोबार भएको छ । उक्त दिन कम्पनीको ५ लाख ४१ हजार ३९० कित्ता सेयर खरिदबिक्री भएको नेप्सेले जनाएको छ ।
यसैबिच बैंकको सोमबार बसेको संचालक समितिको बैठकले आर्थिक वर्ष २०७७–०७८ को मुनाफाबाट ८.५ प्रतिशत नगद लाभांश दिने प्रस्ताव गरेको छ ।
बैंकका अनुसार हाल कायम रहेको २० अर्ब चुक्ता पुंजीको ८.५ प्रतिशतले हुन आउने नगद लाभांश (कर समेत) दिने प्रस्ताव गरेको हो ।
बैंकको उक्त प्रस्ताव नेपाल राष्ट्र बैंक र अर्थ मन्त्रालयले अनुमोदन र आगामी साधारणसभाले स्वीकृत गरेपनि लगानीकर्ताले पाउने छन् ।
वि.सं.२०७८ असोज ५ मंगलवार १५:०७ मा प्रकाशित
