काठमाडौं । मेरो माइक्रोफाइनान्स लघुवित्त वित्तीय संस्थाले संस्थापक सेयर बिक्री गर्ने भएको छ ।
कम्पनीले एनआईसी एशिया बैंकको स्वामित्वमा रहेको ८४ हजार ८२९ कित्ता संस्थापक सेयर बिक्री गर्न लागेको हो ।
उक्त सेयरको न्युनतम मूल्य प्रतिकित्ता ४९७ रुपैयाँ निर्धारण गरिएको छ । उक्त सेयर खरिद गर्न इच्छुक योग्य विद्यमान संस्थापकहरु वा जो कोही व्यक्ति, कम्पनी, संघ/संस्थाहरुले असोज १५ गते कार्यालय समयभित्र आवेदन दिन सक्नेछन् ।
सेयर खरिदका लागि तोकिएको न्युनतम मूल्य भन्दा बढी अंकित गरि न्युनतम १ सय कित्ता र अधिकतम सम्पूर्ण कित्ताका लागि आवेदन दिन सकिने कम्पनीले जनाएको छ ।
बिक्री प्रबन्धकमा एनआईसी एशिया क्यापिटल लिमिटेड रहेको छ ।
वि.सं.२०७८ असोज ६ बुधवार १३:४० मा प्रकाशित
