काठमाडौं । सरकारले मोटो र मध्यम धानको न्यूनतम समर्थन मूल्य तोकेको छ ।
कृषि तथा पशुपन्छी विकास मन्त्रालयले यो वर्षको लागि मोटो धानको न्यूनतम समर्थन मूल्य तोकेको हो । मन्त्रालयका अनुसार यो वर्षको मोटा धानको मूल्य प्रति क्विन्टल २ हजार ७५२ रुपैयाँ रहेको छ ।
मन्त्रालयले मध्यम किसिमको धानको मूल्य भने २ हजार ९०२ रुपैयाँ तोकेको छ । मन्त्रालयका प्रवक्ता प्रकाशकुमार सन्जेलका सन्जेलका अनुसार गत वर्षको भन्दा यो वर्ष धानको मूल्य बढी तोकेको छ ।
प्रवक्ता सञ्जेलका अनुसार यो वर्ष गत वर्षको तुलनामा दुवै किसिमको धानको मूल्य प्रति क्विन्टल १७ रुपैयाँले बढेको छ ।
गत वर्ष मोटो धानको समर्थन मूल्य प्रतिक्विन्टल २ हजार ७३५ र मध्यम खालको धानको मूल्य २ हजार ८८५ रुपैयाँ रहेको थियो ।
वि.सं.२०७८ असोज ७ बिहीवार १०:५३ मा प्रकाशित