काठमाडौं । साताको पहिलो दिन आइतबार सेयर बजारमा पहिरो गएको छ ।
यो दिन बजारमा गिरावट आउनुका साथै कारोबार रकममा समेत गिरावट आएको छ । बजार मापन गर्ने सूचक ६१.२७ अंकले घटेर परिसूचक २७५८.४८ बिन्दुमा रोकिएको छ ।
ठूला कम्पनीको कारोबार मापन गर्ने सेन्सेटिभ इन्डेक्स १०.७० अंकले घटेर ५१९.३६ बिन्दुमा रोकिएको छ ।
२३३ कम्पनीको १ करोड ४४ लाख ९४ हजार २६० कित्ता सेयर ६ अर्ब ५० करोड १ लाख १७ हजार ७८० रुपैयाँको सेयर किनबेच भएको छ ।
आइतबारको कारोबारमा म्यूचुअल फण्ड बाहेक सबै समूहको उपसूचकमा निकै गिरावट देखिएको छ ।
बैंकिङ समूहको १८.२९, होटल तथा टुरिजम ८८.९७, विकास बैंक १३०.६४, जलविद्युत १३५.०३, वित्त कम्पनी १५६.१७, निर्जीबन बीमा ३५६.७६, उत्पादन तथा प्रशोधन ११६.७५, माइक्रोफाइनान्स १२०.९९, जीवन बीमा समूहको उपसूचक ३७१.३१ अंकले घटेको छ ।
वि.सं.२०७८ असोज १० आइतवार १५:२७ मा प्रकाशित
