काठमाडौं । काठमाडौं जिल्लाका विभिन्न स्थानमा शाखा कार्यालय संचालनका लागि सेञ्चुरी कमर्सियल बैंकले घर भाडामा खोजेको छ ।
बैंकले शाखा कार्यालय संचालन प्रयोजनका लागि काठमाडौंको ६ स्थान र बारा जिल्लाको कलैया उपमहानगरपालिका–४ मा घर घाडामा खोजेको हो ।
बैंकले काठमाडौं महानगरपालिका–२५ असन, ३१ भिमसेनगोला, १२ टेकु ३२ वडाको पेप्सीकोला, किर्तीपुर नगरपालिका–६ चोभार, गोकर्णेश्वर नगरपालिका–८ जोरपाटीमा शाखा कार्यालय संचालन गर्न लागेको हो ।
उक्त स्थानहरुमा अन्दाजी १५ सयदेखि २ हजार वर्गफिट क्षेत्रफल भएको तथा एटीएम÷जेनेरेटर राख्ने, पार्किङ लगायतको सुविधायुक्त व्यवसायिक भवन भएको भुईतल्ला अथवा पहिलो तल्ला भाडामा आवश्यक रहेको बैंकले जनाएको छ ।
उक्त स्थानहरुमा घर जग्गा बहालमा दिन इच्छुक घरधनीले आजैका मितिले ७ दिनभित्र आवश्यक कागजात संलग्न राखि प्रस्ताव पेश गर्न सकिने छ ।
वि.सं.२०७८ असोज ११ सोमवार १३:२२ मा प्रकाशित