काठमाडौं । आईपीओ निष्काशनका लागि रिज लाईन ईनर्जीले प्रभु क्यापिटललाई बिक्री प्रबन्धकमा नियुक्त गरेको छ ।
सेयर निष्काशन तथा बिक्री प्रबन्धक नियुक्तिका लागि मंगलबार सम्झौता भएको हो ।
सम्झौतामा रिज लाईन ईनर्जीका तर्फबाट वसन्त गिरी तथा प्रभु क्यापिटलको तर्फबाट प्रबन्ध निर्देशक दिनेश थकालीले हस्ताक्षर गर्नुभएको छ ।
कम्पनीले गोरखा जिल्लाको अजिरकोट–२ मा अवस्थित चेपे नदीमा ९.०५ मेगावाट क्षमताको सुपर चेपे हाइड्रोपावर आयोजना निर्माण गरीरहेको छ ।
कम्पनीले अधिकृत तथा जारी पूँजी ६९ करोड ४२ लाख ९० हजारको ३० प्रतिशतले हुन आउने २० करोड ८२ लाख ८७ हजार रुपैयाँ बराबरको २० लाख ८२ हजार ८ सय ७० कित्ता आईपीओ निष्काशन गर्ने भएको हो ।
वि.सं.२०७८ असोज १२ मंगलवार १३:२६ मा प्रकाशित
