काठमाडौं । सामलिङ पावर कम्पनीले आउँदो कात्तिक ४ गतेदेखि आईपीओ निष्काशन गर्ने भएको छ ।
कम्पनीले प्रतिकित्ता १ सय रुपैयाँ अंकित दरका ७ करोड ३० लाख रुपैयाँ बराबरको ७ लाख ३० हजार कित्ता आईपीओ निष्कासन गर्ने भएको हो ।
निष्काशन हुने कुल मध्ये १४ हजार ६ सय कित्ता कर्मचारीहरुका लागि र ३६ हजार ५०० कित्ता सामूहिक लगानी कोषका लागि छुट्याइएको छ । सर्वसाधारणले बाँकी रहेको ६ लाख ७८ हजार ९ सय कित्ताका लागि आवेदन दिन सक्नेछन् ।
उक्त आईपीओमा छिटोमा कात्तिक ८ गतेसम्म पूर्ण आवेदन नपरेमा कात्तिक १८ गतेसम्म आवेदन दिन सकिने कम्पनीले जनाएको छ ।
उक्त आईपीओमा न्यूनतम १० कित्ताका लागि आवेदन दिनु पर्नेछ भने अधिकतममा २० हजार कित्ताका लागि आवेदन दिन सकिनेछ ।
आईपीओ निष्काशन तथा बिक्री प्रबन्धकमा नेपाल एसबिआई मर्चेण्ट बैंकिङ लिमिटेड रहेको छ ।
वि.सं.२०७८ असोज २२ शुक्रवार ११:३१ मा प्रकाशित
