काठमाडौं । दुई वाणिज्य बैंक र एक विकास बैंकको लाभांश सुरक्षित गर्ने आज अन्तिम दिन हो ।
सानिमा, माछापुच्छ्रे र सांग्रिला डेभलपमेन्ट बैंकको सेयरधनी आजसम्म बन्ने लगानीकर्ताले मात्रै लाभांश पाउने छन् ।
सानिमा बैंकले कात्तिक ७ गते, माछापुच्छ्रे बैंकले पनि कात्तिक ७ गते र सांग्रिला डेभलपमेन्ट बैंकले कात्तिक ५ देखी १६ गतेसम्मको लागि बुक क्लोज गर्ने भएको छ ।
सानिमा बैंकको कात्तिक १४ गते, माछापुच्छ्रे बैंकको कात्तिक २६ गते र साग्रिलाले कात्तिक १६ गतेको लागि साधारणसभा बोलाएको छ । सानिमाले आर्थिक वर्ष २०७७–७८ को मुनाफाबाट १७ प्रतिशत बोनस र ०.८९ प्रतिशत लाभांश दिने प्रस्ताव गरेको छ ।
यस्तै माछापुच्छ्रे बैंकले गत आवको मुनाफाबाट १३.३० प्रतिशत बोनस र ०.४० प्रतिशत नगद लाभांश दिने प्रस्ताव गरेको छ ।
यस्तै सांग्रिलाले गत आवको मुनाफाबाट १० प्रतिशत बोनस र ०.५२ प्रतिशत नगद लाभांश दिने प्रस्ताव गरेका छन् । यो प्रस्ताव साधारणसभाले पारित गरेपछि लगानीकर्ताले पाउनेछन् ।
वि.सं.२०७८ कात्तिक ४ बिहीवार ११:२३ मा प्रकाशित