भक्तपुर । कोरोना महामारी कम भएर आयात, निर्यात सुरु हुन थालेसँगै हुण्डीको कारोबार पनि मौलाउन थालेको छ । हुण्डीको कारोबार मौलाएसँगै केही व्यक्तिलाई प्रहरीले पक्राउ समेत गरेको छ ।
मध्यपुर ठिमी नगरपालिका–१ लोकन्थलीबाट स्रोत नखुलेको ८० लाख रूपैयाँ सहित काठमाडौं कोटेश्वर बस्ने बाग्लुङ गल्कोट नगरपालिका–१० पाण्डवखानीका ३६ वर्षीय चित्र बहादुर पुन मगरलाई प्रहरीले पक्राउ गरेको छ ।
लोकन्थली मनहरा आँखा अस्पताल नजिक हुण्डीको कारोवार गरिरहेको अवस्थामा महानगरीय प्रहरी वृत्त ठिमीको प्रहरीले मगरलाई बा ४९ प ८५६५ नम्बरको स्कुटर र नगद ३० लाख रूपैयाँसहित नियन्त्रणमा लिएको जनाएको छ । प्रहरीका अनुसार मगरको कोठा तलासी गर्दा थप नगद ५० लाख रूपैयाँ फेला पारेको हो ।
मगरलाई आवश्यक कारवाहीको लागि सम्पत्ति शुद्धिकरण बिभाग हरिहरभवन ललितपुर पठाइएको महानगरीय प्रहरी परिसर भक्तपुरले जनाएको छ ।
वि.सं.२०७८ कात्तिक ४ बिहीवार ११:४८ मा प्रकाशित