काठमाडौं । साताको दोस्रो कारोबार दिन यूनियन लाइफ र सानिमा लाइफ इन्स्योरेन्स कम्पनीको सेयर मूल्य वृद्धि भएको छ ।
उक्त दिन यूनियन लाइफको सेयर मूल्य ४.३९ प्रतिशतले वृद्धि भएको छ । कम्पनीको सेयर मूल्य आज प्रतिकित्ता २५ रुपैयाँले बढेको हो । योसंगै कम्पनीको सेयर मूल्य ५९५ रुपैयाँ कायम भएको छ ।
नेपाल स्टक एक्सचेञ्ज(नेप्से)का अनुसार आज कम्पनीको ८७ लाख ६२ हजार ८५९ रुपैयाँ बराबरको सेयर कारोबार भएको छ । कम्पनीको १४ हजार ८६९ कित्ता सेयर किनबेच भएको हो ।
यस्तै, सानिमा लाइफको सेयर मूल्य ३.५३ प्रतिशतले वृद्धि भएको छ । कम्पनीको सेयर मूल्य प्रतिकित्ता १८ रुपैयाँले वृद्धि भएको हो ।
योसंगै कम्पनीको सेयर मूल्य आज ५२८ रुपैयाँ कायम भएको छ । नेप्सेका अनुसार आज कम्पनीको ५९ लाख ४१ हजार रुपैयाँ बराबरको ११ हजार ३७८ कित्ता सेयर खरिदबिक्री भएको छ ।
वि.सं.२०७८ कात्तिक ८ सोमवार १६:०६ मा प्रकाशित