काठमाडौं । कात्तिक महिनाको पहिलो सातामा नै वाणिज्य बैंकमा निक्षेप संकलनमा गिरावट आउनुका साथै कर्जाको माग पनि शुन्य प्राय भएको छ ।
बैंकमा पैसाको अभाव भएसँगै कर्जाको माग शुन्य भएको हो । बैंकमा पैसाको अभाव भएसँगै ऋण प्रवाहमा बैंकहरु असक्षम भएमा छन् ।
बैंकर्स संघका अनुसार कात्तिक पहिलोसाता बैंकमा निक्षेप संकलन २० अर्ब रुपैयाँले खुम्चिएको छ । कर्जाको माग भने देखिएको छैन ।
संघका अनुसार असोज ३१ गतेसम्म ४२ खर्ब ६९ अर्ब रहेको निक्षेप कात्तिक ५ गतेसम्म आईपुग्दा २० अर्ब रुपैयाँले घटेर ४२ खर्ब ४९ अर्बमा झरेको छ । यसअघि बैंकहरुले बढाएको ब्याजदरको कारण बैंकको निक्षेप केही बढ्न थालेको थियो । तर राष्ट्र बैंकले निक्षेपको ब्याजदरमा सिमा तोकेपछि निक्षेप संकलन घटेको छ । एक साताको अवधिमा बैंकमा निक्षेप २० अर्बले घटेको हो ।
राष्ट्र बैंकका अनुसार असोज ३१ गतेसम्म ३९ खर्ब ९८ अर्ब रहेकोमा कात्तिक ५ गतेसम्म आईपुग्दा बैंकहरुले कर्जा दिन नसक्दा ३९ खर्ब ९८ अर्ब रुपैयाँ नै रहेको छ । यो अवधिमा बैंकहरु कर्जा दिन नसक्ने अवस्थामा पुग्न पुगेका छन् ।
वि.सं.२०७८ कात्तिक ८ सोमवार १५:५२ मा प्रकाशित