काठमाडौं । साताको चौथो कारोबार दिन सेयर बजार दोहोरो अंकले वृद्धि भएको छ । उक्त दिन बजार १८.०६ अंकले बढेको हो ।
बुधवार बजार परिसुचक २७६९.१३ अंकको बिन्दुमा पुगेर बन्द भएको छ । आज कारोबार रकम पनि केही वृद्धि भएको छ ।
उक्त दिन ६ अर्ब ६१ करोड २६ लाख ४८ हजार रुपैयाँ बराबरको १ करोड १५ लाख ९२ हजार २३५ कित्ता सेयर किनबेच भएको छ ।
उक्त दिन होटेल तथा पर्यटन, विकास बैंक, जलविद्युत कम्पनी र उत्पादक तथा प्रशोधन समूह घटेका छन् भने अन्य वृद्धि भएका छन् ।
आज बैंकिङ समूह १३.२६ अंक, व्यापार समूह २३.४६ अंक, फाइनान्स ९.९६, माइक्रोफाइनान्स ५८.६, जीवन बीमा ३१७.७४, निर्जीबन बीमा १७८.२३, अन्य २२.८१, म्युचुअल फण्ड ०.१४ अंकले वृद्धि भएको छ ।
उक्त दिन नबिल बैंक र आईसीएफसी फाइनान्सको सर्वाधिक कारोबार भएको छ । आज नबिल बैंकको ४३ करोड १९ लाख ३१ हजार रुपैयाँ बराबरको सेयर कारोबार भएको छ ।
यस्तै, आईसीएफसी फाइनान्स २० करोड ९२ लाख ९६ हजार रुपैयाँ बराबरको कारोबार भएको छ ।
वि.सं.२०७८ कात्तिक १० बुधवार १५:२२ मा प्रकाशित