काठमाडौं । साताको चौथो कारोबार दिन सेयर बजार दोहोरो अंकले वृद्धि भएको छ । उक्त दिन बजार १८.०६ अंकले बढेको हो ।
बुधवार बजार परिसुचक २७६९.१३ अंकको बिन्दुमा पुगेर बन्द भएको छ । आज कारोबार रकम पनि केही वृद्धि भएको छ ।
उक्त दिन ६ अर्ब ६१ करोड २६ लाख ४८ हजार रुपैयाँ बराबरको १ करोड १५ लाख ९२ हजार २३५ कित्ता सेयर किनबेच भएको छ ।
उक्त दिन नबिल बैंकसहित ६ कम्पनीको सर्वाधिक कारोबार भएको छ । आज नबिल बैंकको ४३ करोड १९ लाख ३१ हजार रुपैयाँ बराबरको सेयर कारोबार भएको छ ।
उक्त दिन कम्पनीको २ लाख ७० हजार ५५७ कित्ता सेयर खरिदबिक्री भएको हो । कम्पनीको सेयर मूल्य १ हजार ६०६ रुपैयाँ पुगेको छ ।
कारोबारकै आधारमा दोस्रो स्थानमा रहेको आईसीएफसी फाइनान्सको २० करोड ९२ लाख ६९ हजार रुपैयाँ बराबरको सेयर कारोबार भएको छ ।
कम्पनीको सेयर आज २ लाख ६१ हजार ७५५ कित्ता किनबेच भएको हो । कम्पनीको सेयर मूल्य प्रतिकित्ता ८ सय रुपैयाँ कायम भएको छ ।
उक्त दिन एनआईसी एशिया बैंकको पनि सर्वाधिक कारोबार भएको छ । उक्त दिन कम्पनीको १९ करोड ६१ लाख ५२ हजार रुपैयाँ बराबरको सेयर खरिदबिक्री भएको हो । कम्पनीको आज २ लाख ३० हजार ९० कित्ता सेयर कारोबार भएको छ । सेयर मूल्य भने ८७० रुपैयाँ कायम भएको छ ।
यस्तै, अरुण भ्याली हाइड्रोपावरको १७ करोड ९७ लाख ९ हजार रुपैयाँ बराबरको ३ लाख ७५ हजार ३४३ कित्ता, बेष्ट फाइनान्सको १७ करोड १९ लाख ५१ हजार रुपैयाँ बराबरको २ लाख ९९ हजार ९६३ कित्ता सेयर खरिदबिक्री भएको हो ।
त्यसैगरि अपि पावरको १६ करोड ६० लाख ६३ हजार रुपैयाँ बराबरको ३ लाख ५६ हजार ४९८ कित्ता सेयर कारोबार भएको छ ।
वि.सं.२०७८ कात्तिक १० बुधवार १५:३९ मा प्रकाशित