काठमाडौं । प्रहरी प्रधान कार्यलय केन्द्रीय अनुसन्धान ब्यूरो(सीईबी)ले बैंकिङ कसूर मुद्दामा फरार व्यक्तिलाई पक्राउ गरेको छ ।
अर्घाखाँची पाणिनी गाउँपालिका–८ घर भई हाल काठमाडौं टोखा–५ बसुन्धारा बस्ने ३५ बर्षीय अप्सरा खातुनलाई पक्राउ गरेको हो ।
खातुनले आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी नबिल बैंकको चेक काटी दिएकी थिइन् ।
उनलाई उच्च अदालत पाटनले २०७७ मंसिर १६ गते बैंकिङ कसूरजनय अपराध भएको ठहर गरी ७ दिन कैद र ७३ लाख ५० हजार जरिवाना हुने फैसला सुनाभएको थियो ।
फैसला कार्यान्वयनका लागि जिल्ला अदालत ललितपुरमा पेश गरिएको प्रहरीले जनाएको छ ।
वि.सं.२०७८ कात्तिक १० बुधवार १६:४३ मा प्रकाशित
