काठमाडौं । सनराइज क्यापिटलको ११ औं वार्षिक साधारणसभा सम्पन्न भएको छ ।
सभाले संचालक समितिले प्रस्ताव गरे बमोजिम चुक्ता पूँजीको ४० प्रतिशत (कर सहित) हुन आउने ८ करोड नगद लाभांश दिने प्रस्ताव पारित गरेको छ ।
सभाले सामान्य आर्थिक वर्ष २०७७/७८ को सञ्चालक समितिको प्रतिवेदन पारित गर्नुका साथै २०७८ असार मसान्त सम्मको वासलात, नाफा नोक्सान हिसाब तथा नगद प्रवाह विवरण लगायतका वार्षिक वित्तीय विवरण पारित गरेको छ ।
नेपालको प्रथम मर्चेन्ट बैंकका रुपमा स्थापना भएको कम्पनीले हाल सेयर रजिष्ट्रार, सेयर अन्डरराइटिङ्ग, म्युचुअल फण्ड व्यवस्थापन, लगानी व्यवस्थापन तथा कर्पोरेट एडभाईजरीको काम गरिरहेको छ ।
क्यापिटलले हाल सनराइज म्युचुअल फण्ड अन्तर्गत सनराइज फर्स्ट म्युुचुअल फण्ड तथा सनराइज ब्लुचिप फण्ड योजनाहरु संचालन गर्दै आईरहेकोे छ ।
सनराइज फर्स्ट म्युुचुअल फण्ड योजनाले आव २०७७/७८ को मुनाफाबाट इकाईधनीहरुलाई ५० प्रतिशत (कर सहित) प्रतिफल वितरण गरिसकेको छ ।
साथै निकट भविष्यमा यस कम्पनीले सनराइज फोकस्ड इक्विटि फण्ड नामको तेस्रो सामूहिक लगानी कोष योजना संचालन गर्ने प्रक्रियामा रहेको छ ।
यस संस्थाले आगामि वर्षहरुमा मर्चेन्ट बैकिङ्ग सम्बन्धि सम्पूर्ण सेवाहरु सर्वसुलभ तथा गुणस्तरिय ढंगले प्रदान गर्ने मुख्य उद्देश्यलाई रणनितिक रुपमा अगाडि बढाउंदै लगिने छ ।
वि.सं.२०७८ कात्तिक १२ शुक्रवार १७:०७ मा प्रकाशित