काठमाडौं । नेपाली बजारमा छापावाला सुनको मूल्यमा भारी गिरावट आएको छ । एक वर्षको अवधिमा सुनको मूल्य साढे ४ हजार रुपैयाँले घटेको हो ।
गत वर्षको कात्तिक १८ गते र यस वर्षको सोही दिनको तुलनमा छापावाला सुनको मूल्य प्रतितोला ४ हजार ४ सय रुपैयाँले घटेको छ ।
गत वर्षको कात्तिक १८ गते नेपाली बजारमा प्रतितोला ९५ हजार ४ सय रुपैयाँ कारोबार भएको सुन यस वर्षको सोही अवधिमा भने घटेर ९१ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
महासंघका अनुसार तेजावी सुन मूल्य ९० हजार ५ सय रुपैयाँ कायम भएको छ । जुन गत वर्षको कात्तिक १८ गते ९४ हजार ९ सय रुपैयाँमा कारोबार भएको थियो ।
यस्तै, उक्त अवधिमा चाँदीको मूल्यमा भने १५ रुपैयाँको बढोत्तरी देखिएको छ । गत वर्षको कात्तिक १८ गते प्रतितोला १ हजार २१० रुपैयाँमा काराबोर चाँदी यस वर्षको सोही दिन भने १ हजार २२५ रुपैयाँ पुगेको छ ।
वि.सं.२०७८ कात्तिक १८ बिहीवार १३:२८ मा प्रकाशित
