काठमाडौं । पाँचथर पावर कम्पनीले चालु आर्थिक वर्ष २०७८/७९ को पहिलो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको वित्तीय विवरण अनुसार चालु आवको असोज मसान्तसम्म १० करोड ३१ लाख ३९ हजार रुपैयाँ नाफा कमाएको छ ।
जुन गत वर्षको सोही अवधिको तुलनमाम ४४. ६६ प्रतिशतले बढी हो । गत वर्षको असोज मसान्तमा कम्पनीले ७ करोड १२ लाख ९९ हजार रुपैयाँ नाफा कमाएको थियो ।
उक्त अवधिमा कम्पनीको विद्युत बिक्री आम्दानी पनि वृद्धि भएको छ । चालु आवको असोज मसान्तसम्म कम्पनीको विद्युत बिक्री आम्दानी १६ करोड २७ लाख ५० हजार रुपैयाँ रहेको छ ।
यो आम्दानी गत वर्षको सोही अवधिको तुलनमा भने ११.३९ प्रतिशतले बढी हो । गत वर्षको असोज मसान्तमा भने कम्पनीको उक्त आम्दानी १४ करोड ६१ लाख ९ हजार रुपैयाँ रहेको थियो ।
कम्पनीको चुक्ता पुँजी पनि ३८.९९ प्रतिशतले वृद्धि भएको छ । योसंगै चालु आवको असोज मसान्तसम्म कम्पनीको चुक्ता पुँजी ९६ करोड २५ लाख रुपैयाँ पुगेको छ ।
कम्पनीको प्रतिसेयर आम्दानी ४२ रुपैयाँ ८६ पैसा र प्रतिसेयर नेटवर्थ १०६ रुपैयाँ ३ पैसा रहेको छ ।
वि.सं.२०७८ कात्तिक २२ सोमवार १२:३० मा प्रकाशित
