काठमाडौं । वाणिज्य बैंकका प्रमुख कार्यकारी अधिकृतहरुको छाता संस्था तथा नेपाल बैंकर्स संघको नयाँ कार्य समिति चयन भएको छ ।
संघको नयाँ अध्यक्षमा कृषि विकास बैंकका प्रमुख कार्यकारी अधिकृत अनिल कुमार उपाध्याय चयन हुनु भएको छ ।
वर्तमान अध्यक्ष भुवन दाहालको दुई वर्षे कार्यकाल सकिएसंगै आगामी नेतृत्वका लागि मंगलबार सम्पन्न भएको संघको साधारणसभाले उपाध्यायको नेतृत्वमा नयाँ कार्यसमिति चयन गरेको हो ।
संघका उपाध्यक्षमा एनएमबि बैंकका प्रमुख कार्यकारी अधिकृत(सीईओ) सुनिल केसी, संघको सदस्यमा लक्ष्मी बैंकका अजयकुमार मिश्र, मेगा बैंकी अनुपमा खुञ्जेली, नेपाल बैंकका कृष्णबहादुर अधिकारी, नेपाल एसबीआई बैंकका दीपककुमार दे, सनराइज बैंकका सुनम शर्मा, माछापुच्छ्रे बैंकका सन्तोष कोइराला र एनआईसी एसिया बैंकका रोशनकुमार न्यौपाने चयन हुनुभएको छ ।
यस्तै, संघका पूर्व अध्यक्षहरू अनिश केशरी शाह, अशोक शम्शेर राणा र ज्ञानेन्द्र प्रसाद ढुङ्गाना सल्लाहकारमा रहनुभएको छ।
वि.सं.२०७८ कात्तिक २३ मंगलवार १७:०७ मा प्रकाशित
