काठमाडौं । मंगलबार तीन बाणिज्य बैंकले लाभांश प्रस्ताव गरेका छन् । उक्त दिन मेगा बैंक, प्रभु र सनराइज बैंकले लाभांश प्रस्ताव गरेका हुन् ।
यी तीनै वटा बैंकले गत आर्थिक वर्ष २०७७/७८ को मुनाफबाट सेयरधनीहरुलाई लाभांश प्रस्ताव गरेका हुन् ।
जसमध्ये मेगा बैंकले १२.०७ प्रतिशत बोनस सेयर दिने भएको छ । बैंकले हाल कायम चुक्ता पुँजी १४ अर्ब ६५ करोड रुपैयाँको १२.०७ प्रतिशतले हुन आउने १ अर्ब ७६ करोड रुपैयाँ बराबरको बोनस सेयर दिने भएको हो ।
यस्तै, प्रभ बैंकले १२.६३ प्रतिशत लाभांश प्रस्ताव गरेको छ । बैंकले गत आर्थिक वर्ष २०७७÷७८ को मुनाफाबाट १२ प्रतिशत बोनस सेयर र कर प्रयोजनका लागि ०.६३ प्रतिशत नगद लाभांश वितरण गर्ने भएको हो ।
त्यसैगरि सनसाइज बैंकले भने ७ प्रतिशत लाभांश प्रस्ताव गरेको छ । बैंकले आर्थिक वर्ष २०७७/७८ को मुनाफाबाट सेयरधनीहरुलाई ६.६५ प्रतिशत बोनस सेयर र कर प्रयोजनका लागि ०.३५ प्रतिशत नगद लाभांश वितरण गर्ने निर्णय गरेको छ ।
यी तीनै वटा बैंकहरुद्वारा प्रस्तावित उक्त लाभांश नेपाल राष्ट्र बैंकबाट स्वीकृत प्राप्त भई आगामी वार्षिक साधारणसभाले पारित गरेपश्चात वितरण हुनेछ ।
वि.सं.२०७८ कात्तिक २३ मंगलवार १९:५८ मा प्रकाशित
