काठमाडौं । एनएमबि बैंकले अब ५ मिनेटमै देश वा विदेशबाटै खाता खोली कारोबार गर्न सकिने योजना ल्याएको छ ।
बैंकले भिडियो केवाईसी, एक भिडियो कलमा आधारित उक्त सरल योजना ल्याएको हो । नेपाली बैंकिङ्ग जगतमै सुरुदेखि अन्त्यसम्मको पूर्ण डिजिटल रुपमा खाता खोल्न सकिने प्रक्रिया सुरु गर्ने पहिलो बनेको बैंकको दावी छ ।
उक्त योजना अन्तर्गत अब ग्राहकहरुले एक भिडियो कल मार्फत अनलाईन खाता खोल्न , केवाईसी विवरणहरु अपडेट गर्न सक्नेछन् ।
भिकेवाईसीका लागि डिजिटल लिंक https:vcc.nmb.com.np रहेको छ ।
अब मोबाइल र इन्टरनेट बैकिङ्गको परम्परागत उपयोगको परिधि भन्दामाथि उठेर बैंकसम्म नपुगी मुख्य बैंकिङ गतिविधिहरुी संचालन गर्न सकिने बैंकले जनाएको छ ।
उक्त योजनाले घरमै बसी बैंकिङ कारोबार गर्न सहज बनाउुनका साथै सबै प्रकारका म्यानुअल कामलाई निर्मुल पार्दै पारदर्शिता, त्रुटिरहित र कागज बिहीन बैंकिङ प्रदान गर्दछ ।
जुन बैंकको ग्लोबल एलायन्स फर भ्यालु बेस्ड बैंकिङ्गका सदस्यका नाताले वातावरणमैत्री सेवा प्रदान गर्न प्रतिवद्ध रहेको बैंकले जनाएको छ ।
वि.सं.२०७८ कात्तिक २८ आइतवार १८:०४ मा प्रकाशित
