काठमाडौं । बुधवार सेयर बजार दोहोरो अंकले वृद्धि भएको छ । उक्त दिन बजार १६.९५ अंकले वृद्धि भएको छ ।
साताको चौथो कारोबार दिन बजार परिसुचक २८०१.५१ अंकको बिन्दुमा पुगेर बन्द भएको छ ।आज कारोबार रकम पनि वृद्धि भएको छ । आज ७ अर्ब ३७ करोड ४४ लाख ४६ हजार रुपैयाँ बराबरको कारोबार भएको छ ।
उक्त दिन नेपाल टेलिकमसहित तीन कम्पनीको सर्वाधिक कारोबार भएको छ । उक्त दिन नेपाल टेलिकमको सबैभन्दा बी ५८ करोड ६८ लाख ६२ हजार रुपैयाँ बराबरको सेयर कारोबार भएको छ ।
नेपाल स्टक एक्सचेञ्ज(नेप्से)का अनुसार कम्पनीको आज ४ लाख २६ हजार ९० कित्ता सेयर खरिदबिक्री भएको छ । कम्पनीको सेयर मूल्य प्रतिकित्ता १ हजार ३९० रुपैयाँ पुगेको छ ।
कारोबारकै आधारमा दोस्रो स्थानमा रहेको महालक्ष्मी विकास बैंकको ३८ करोड ५६ लाख १ हजार रुपैयाँ बराबरको सेयर किनबेच भएको छ ।
बैंकको आज ५ लाख १ हजार १२४ कित्ता सेयर खरिदबिक्री भएको नेप्सेले जनाएको छ । बैंकको सेयर मूल्य प्रतिकित्ता ७६२ रुपैयाँ कायम भएको छ ।
यस्तै, उक्त दिन एशियन लाइफ इन्स्योरेन्स कम्पनीको पनि सर्वाधिक कारोबार भएको छ । आज कम्पनीको ३३ करोड ६६ लाख ४० हजार रुपैयाँ बराबरको सेयर कारोबार भएको हो ।
नेप्सेका अनुसार आज कम्पनीको २ लाख ५१ हजार ११५ कित्ता सेयर किनबेच भएको छ । कम्पनीको सेयर मूल्य भने प्रीतकित्ता १ हजार ३०९ रुपैयाँ पुगेको छ ।
वि.सं.२०७८ मंसिर १ बुधवार १६:४५ मा प्रकाशित
