काठमाडौं । ग्लोबल आइएमई लघुवित्त वित्तीय संस्थाले मंसिर २८ गते साधारणसभा गर्ने भएको छ । मंसिर ३ गते बसेको संचालक समितिको बैठकले उक्त दिन सभा गर्ने भएको हो ।
सभाले आर्थिक वर्ष २०७७/७८ को मुनाफबाट सेयधरनीहरुलाई २८ प्रतिशत बोनस सेयर वितरण गर्ने प्रस्ताव पारित गर्नेछ ।
सोही अवसरमा वित्तीय संस्थाको नियमावलीमा भएको नियम ३२ को उपनियम १ को खण्ड (ख) को (क) मा भएको संचालकहरुको भत्ता तथा सुविधा वृद्धि गर्ने भएको छ ।
साथै संस्थाले एक वा एकभन्दा बढी उपयुक्त लघुवित्र वित्तीय संस्थाहरु गाभ्ने/गाभिने तथा प्राप्ति गर्ने प्रयोजनका लागि उपयुक्त संस्था पहिचान गर्ने, समझदारीपत्रमा हस्ताक्षर गर्ने र सो का आधारमा सैद्धान्तिक स्वीकृतीका लागि राष्ट्र बैंक समक्ष निवेदन दिने, सम्पत्ति तथा दायित्वहरुको मूल्याङ्कन गर्न परामर्शदाता, मूल्याङ्नकर्ता नियुक्ति लगायतका आवश्यक कार्य गर्न गराउनका लागि संचालक समितिलाई सम्पूर्ण अख्तियारी प्रदान गर्नेछ ।
वित्तीय संस्थाको प्रबन्धपत्रको दफ ६ मा भएको पुँजी संरचना सम्वन्धी व्यवस्थाको खण्ड (ख) र (ग) मा भएको कम्पनीको चुक्ता पुँजी तथा जारी पुँजी वृद्धि गर्ने भएको छ ।
आव २०७८/७९ को लागि लेखापरीक्षक नियुक्ति गर्ने र निजको पारिश्रमिक निर्धारण लगायतका विषयमा छलफल तथा पारित हुनेछ । सभा तथा लाभांश प्रयोजनका लागि मंसिर १४ गत एक दिन बुक क्लोज गर्ने भएको छ ।
वि.सं.२०७८ मंसिर ५ आइतवार १३:०६ मा प्रकाशित
