काठमाडौं । एक साताको अवधिमा सुनको मूल्य गिरावट आएको छ । मंसिर महिनाको पहिलो सातामा छापावाला सुनको मूल्य प्रतितोला २५ सय रुपैयाँले घटेको हो ।
गत शुक्रबार अर्थात मंसिर ३ गते ९४ हजार ४ सय रुपैयाँमा कारोबार भएको सुन यस साताको अन्तिम काराबोर दिनसम्म आईपुग्दा उक्त रकमले घटेको हो ।
नेपाल सुनचाँदी व्यवसायी महासंघका अनुसार मंसिर १० गते नेपाली बजारमा छापावाला सुनको मूल्य ९१ हजार ९ सय रुपैयाँमा कारोबार भएको थियो ।
यस्तै, मंसिर ३ गते ९३ हजार ९ सय रुपैयाँमा कारोबार भएको तेजावी सुन शुक्रबार अर्थात मंसिर १० गतेसम्म आईपुग्दा ९१ हजार ६ सय रुपैयाँ कायम भएको छ ।
महासंघका अनुसार उक्त अवधमिा चाँदीको मूल्यमा पनि गिरावट देखिएको छ । एक साताको अवधिमा चाँदीको मूल्य ५० रुपैयाँले घटेको हो ।
मंसिर ३ गते प्रतितोला १ हजार २७५ रुपैयाँमा कारोबार भएको चाँदी साताको अन्तिम काराबोर दिन अर्थात शुक्रबारसम्म आईपुग्दा १ हजार २२५ रुपैयाँ कायम भएको हो ।
वि.सं.२०७८ मंसिर ११ शनिवार १२:५९ मा प्रकाशित
