काठमाडौं । प्राइम कमर्सियल बैंकले साधारणसभाका लागि मिति तय गरेको छ ।
बैंकको मंसिर १० गते बसेको सञ्चालक समितिको बैठकको निर्णय अनुसार १४औं साधारणसभा पुस ६ गते हुने भएको हो ।
सभामा लाभांश पारित गर्ने मुख्य एजेण्डा रहेको छ । सभाले सेयरधनीहरुलाई चुक्ता पूँजीको १६ प्रतिशत बोनस सेयर र कर प्रयोजनको लागि ०.६३ प्रतिशत नगद लाभांश वितरण गर्ने विशेष प्रस्ताव पारित गर्नेछ ।
सभाले सर्वसाधारण सेयरधनीको तर्फबाट सञ्चालक समितिमा प्रतिनिधित्व गर्ने १ जना सञ्चालकको नियुक्ति गर्ने, प्रवन्धपत्रको उद्देश्यमा आवश्यक संशोधन गरी उद्देश्य थप गर्ने, अन्य उपयुक्त बैंक तथा वित्तीय संस्थासँग मर्जर अथवा प्राप्ति सम्बन्धि सम्पूर्ण कार्य गर्न सञ्चालक समितिलाई अख्तियारी दिने लगायतका प्रस्ताव पनि पारित गर्नेछ ।
सभा तथा लाभांश वितरण प्रयोजनका लागि बैंकले मंसिर २२ गते (एक दिन) बुक क्लोज गर्ने भएको छ ।
वि.सं.२०७८ मंसिर १२ आइतवार १०:१३ मा प्रकाशित
