काठमाडौं । मेगा बैंक नेपाल लिमिटेड र ग्लोबल आइएमई लघुवित्त वित्तीय संस्थाको बोनस सेयरको मूल्य समायोजन भएको छ ।
नेपाल स्टक एक्सचेञ्ज (नेप्से) ले मंगलवार मेगा बैंकको १० प्रतिशत बोनस सेयरको समायोजनपछि २९२ रुपैयाँ ७३ पैसा तोकेको छ ।
कम्पनीको अघिल्लो कारोबारको दिन अर्थात् सोमवार कायम अन्तिम सेयर मूल्य ३२२ रुपैयाँको आधारमा समायोजन भएको हो ।
त्यस्तै, नेप्सेले ग्लोबल आइएमई लघुवित्तको २८ प्रतिशत बोनस सेयरको समायोजनपछि १ हजार ६९९ रुपैयाँ ३० पैसा तोकेको छ ।
कम्पनीको सोमवार २ हजार १७५ रुपैयाँ १० पैसामा अन्तिम कारोबार भएको थियो ।
वि.सं.२०७८ मंसिर १४ मंगलवार १०:२५ मा प्रकाशित