काठमाडौं । बुधवार सेयर बजारमा सुधार आएको छ । साताको चौथो कारोबार दिन बजार ५.२८ अंकले बढेको हो ।
उक्त दिन बजार परिसुचक २६३३.६६ अंकको बिन्दुमा पुगेर बन्द भएको छ । उक्त दिन कारोबार रकम भने गिरावट आएको छ । आज २ अर्ब ७४ करोड २० लाख ८५ हजार रुपैयाँ बराबरको कारोबार भएको छ ।
उक्त दिन होटेल तथा पर्यटन १७.४९ अंक, निर्जीबन बीमा २२.२१, माइक्रोफाइनान्स ५.९ र जीवन बीमा समूह ४.५३ अंकले घटेको छ । यी बाहेक सबै समूह वृद्धि भएको छ ।
उक्त दिन नेपाल टेलिकमको सर्वाधिक सेयर कारोबार भएको छ । कम्पनीको १४ करोड ५३ लाख ९३ हजार रुपैयाँ बराबरको सेयर कारोबार भएको हो ।
कारोबार कै आधारमा दोस्रो स्थानमा रहेको हिमालयन डिस्टीलरीको १० करोड ५१ लाख ३३ हजार रुपैयाँ बराबरको सेयर कारोबार भएको छ ।
वि.सं.२०७८ मंसिर १५ बुधवार १५:१४ मा प्रकाशित