बैैंक तथा वित्तिय संस्था परिसंघका अध्यक्ष पवनकुमार गोल्यानले ‘बैंकक्रप्ट’ हुन सक्ने बताएका छन् । एनएमबी बैंकले आफू एसियाको सर्वोत्कृष्ट बैंक भएको घोषणा गर्नका लागि आयोजना गरेको कार्यक्रममा बोल्दै गोल्यानले कोभिडका कारण राष्ट्र बैंकले दिएको सहुलियतले कतिपय बैंकक्रप्ट हुने सम्भावना रहेको दावी गरेका हुन् ।
उनले अहिलेको अवस्थामा बैंकहरुले नेपाली माटो सुहाउदो बैंकिङ नगरे अर्थतन्त्रमा टेवा नपुग्ने दावी गर्दै भने, ’दुई तिहाइ जनता कृषिमा निर्भर रहेको नेपालमा कृषि र एसएमईजमा बैंकहरुको लगानी बढाउनुपर्छ । नत्र आत्मनिर्भर अर्थतन्त्रको विकास हुदैन ।‘
‘साना साना उद्यमी जन्माउन सकेन भने देशको अर्थतन्त्र मजवुत हुदैन, हामीले नेपाली माटो सुहाउदो भ्यालुबेस बैंकिङ गरेकोले एसियाको सर्बोत्कृष्ट बैंकर बन्न सकेका हौ ।’ उनले भने ।
पछिल्लो तीन बर्षमा कृषिमा, साना तथा मझौला व्यवसायका लागि एनएमबी बैंकले कर्जा प्रबाह गरेको उनको दावी छ । साथै उनले नेपालको विकासलाई आत्मसात गर्दै बैंकले नेपाली माटो सुहाउदो फरक प्रकारको बैंक बनाउन चाहेको स्पष्ट पारे ।
वि.सं.२०७८ मंसिर १५ बुधवार १७:४५ मा प्रकाशित