काठमाडौं । बुधवार दुई कम्पनीको सर्वाधिक कारोबार भएको छ । उक्त दिन नेशनल हाइड्रोपावर कम्पनी र नेपाल दुरसञ्चार कम्पनीको बढी कारोबार भएको हो ।
साताको चौथो कारोबार दिन नेशनल हाइड्रोपावर कम्पनीको ११ करोड ८८ लाख १५ हजार रुपैयाँ बराबरको सेयर कारोबार भएको छ । कम्पनीको आज ३ लाख ९ हजार ७० कित्ता सेयर किनबेच भएको हो ।
कम्पनीको सेयर मूल्यमा भने गिरावट आएको छ । आज कम्पनीको सेयर मूल्य ३.७८ प्रतिशत अर्थात प्रतिकित्ता १५ रुपैयाँले घटेको हो । योसंगै आज कम्पनीको सेयर मूल्य ३८२ रुपैयाँ कायम भएको छ ।
यस्तै, कारोबार कै आधारमा दोस्रो स्थानमा नेपाल टेलिकम रहेको छ । आज कम्पनीको १० करोड ९१ लाख १५ हजार रुपैयाँ बराबरको सेयर खरिदबिक्री भएको हो ।
उक्त दिन कम्पनीकोे ८३ हजार ३४२ कित्ता सेयर किनबेच भएको नेप्सेले जनाएको छ । उक्त दिन कम्पनीको सेयर मूल्य भने २.०७ प्रतिशतले घटेको छ । आज प्रतिकित्ता २७ रुपैयाँ ३० पैसाले घटेर १ हजार २९८ रुपैयाँ ७० पैसा कायम भएको छ ।
वि.सं.२०७८ मंसिर २२ बुधवार १५:४१ मा प्रकाशित