काठमाडौं । अर्थमन्त्री जनार्दन शर्माले सेयर बजार घट्नुमा आफ्नो कुनै पनि हात नभएको स्पष्टीकरण दिएका छन् । सोमबार बीमा समितिको नयाँ भवन उद्घाटनका क्रममा उनले सेयर बजार घट्दा सधै अर्थमन्त्रीलाई मात्र दोष लगाइने गरेको बताउँदै बजार घट्नुमा आफ्नो हात नरहेको स्पष्ट पारेका हुन् ।
उनले भने,‘एउटा समूह कुनामा बसेर अर्थमन्त्रीले सेयर बजार घटायो भनेर भ्रम छर्ने काम गरिरहेका छन्, यस्ता भ्रम छरेर उनीहरुले तपाईहरुलाई ठग्लान जोगिएर काम गर्नुस् ।’
त्यस्तै उनले नेपाल कोरोना बीमा गराएर विश्वमा नै उतकृष्ट देश बनेको दावी गर्दै महामारीको समयमा कुनैपनि देशले बीमा नगरेपनि नेपालमा भएको दावी गरे ।
वि.सं.२०७८ मंसिर २७ सोमवार १२:३८ मा प्रकाशित
