काठमाडौं । सयपत्री हाइड्रोपावर लिमिटेडले साधारणसभाका लागि मिति तय गरेको छ ।
कम्पनीले आउँदो पुस २३ गते पाँचौं वार्षिक साधारण सभा गर्ने भएको हो । कम्पनीको मंसिर २४ गते सम्पन्न सञ्चालक समितिको बैठकले साधारण सभा निर्णय गरेको हो ।
सभाले कम्पनीको सेयरको प्रारम्भिक सार्वजनिक निष्कासन गर्ने, सेयरधनीबाट ६ जना सञ्चालकको चयन गर्नेछ ।
यस्तै, आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने र २०७८/७९ को लागि लेखापरीक्षकको नियुक्ति र निजको पारीश्रमिक निर्धारण गर्ने प्रस्ताव पनि पारित गर्नेछ ।
वि.सं.२०७८ मंसिर २७ सोमवार १२:४१ मा प्रकाशित
