काठमाडौं । तेह्रथुम पावर कम्पनीले वार्षिक साधारणसभाका लागि मिति तय गरेको छ ।
कम्पनीको आइतबार साँझ बसेको २८औं बोर्ड बैठकले आउँदो पुस २८ गते साधारणसभा गर्ने निर्णय गरेको हो ।
सभाले आर्थिक वर्ष २०७७/७८ को संचालक समितिको प्रतिवेदन पारित गर्ने, आव २०७८/७९ को बाह्य लेखापरीक्षकको नियुक्ति तथा निजको पारिश्रमिक निर्धारण गर्नेछ ।
सोही अवसरमा रिक्त संचालक समिति सदस्यको निर्वाचन/मनोनयन, निर्वाचन अधिकृतको चयन, कम्पनीको ऐनको दफ ७८ बमोजिमको विवरण लगायतमा विषयमा छलफल तथा पारित हुनेछ ।
यस्तै, प्रस्तावहरु स्वीकृति एवम् अभिलेखको लागि पेश गर्दा नियमनकारी निकाय वा कार्यालयबाट कुनैपनि विषयमा संशोधन, परिवर्तन तथा कुनै पनि किसिमको निर्देशन वा कैफियत प्राप्त भएमा सो समेत मिलाई संशोधन वा परिवर्तन गर्ने लगायतका आवश्यक सम्पूर्ण कार्य संचालन गर्न संचालक समितिलार्य पूर्ण अख्तियारी प्रदान गर्ने ।
वार्षिक साधारणसभा प्रयोजनका लागि बैंकले पुस ५ गतेदेखि २८ गतेसम्म बुक क्लोज गर्ने भएको छ ।
वि.सं.२०७८ मंसिर २७ सोमवार १२:५५ मा प्रकाशित
