काठमाडौं । बुधवारसम्म आधा दर्जन कम्पनीहरुले लाभांश घोषणा गरेका छन् । लाभांश घोषणा गर्नेमा २ माइक्रोफाइनान्स, ३ फाइनान्स र एक हाइड्रोपावर कम्पनीहरु रहेका छन् ।
ती कम्पनीहरुले गत आर्थिक वर्ष २०७७/७८ को मुनाफबाट सेयरधनीहरुलाई लाभांश घोषणा गरेका हुन् ।
लाभांश घोषणा गर्नेमा बुटवल पावर कम्पनी, मल्टीपर्पस फाइनान्स, मञ्जुश्री फाइनान्स, मिथिला लघुवित्त, आँधिखोला लघुवित्त, गुडविल लघुवित्त फाइनान्स रहेका छन् ।
बुटवल पावर : बुटवल पावर कम्पनीले लाभांश घोषणा गरेको छ । कम्पनीको मंगलबार अर्थात मंसिर २८ गते बसेको संचालक समितिको बैठकले २० प्रतिशत लाभांश दिने घोषणा गरेको हो ।
कम्पनीले गत आर्थिक वर्ष २०७७/७८ को खुद नाफा तथा संचित चुक्ता पुँजीको १० प्रतिशत बोनस र १० प्रतिशत नगद लाभांश वितरण गर्ने भएको हो ।
उक्त लाभांश कम्पनीको आगामी २९औं वार्षिक साधारण सभाले पारित गरेपछि वितरण हुनेछ ।
मल्टीपर्पस फाइनान्स : मल्टीपर्पस फाइनान्स कम्पनीले लाभांश घोषणा गरेको छ । कम्पनीको मंगलबार बसेको संचालक समितिले १३.५२६ लाभांश दिने निर्णय गरेको हो ।
कम्पनीले गत आर्थिक वर्ष २०७७/७८ सम्मको नाफा र सेयर प्रिमियम समेतबाट सेयरधनीहरुलाई १३ प्रतिशत बोनस सेयर र कर प्रयोजनका लागि ०.५२६ प्रतिशत नगद लाभांश दिने भएको हो ।
उक्त लाभांश नेपाल राष्ट्र बैंकबाट स्वीकृत प्राप्त भई कम्पनीको आगामी साधारण सभाले पारित गरेपश्चात वितरण हुनेछ ।
मञ्जुश्री फाइनान्स : मञ्जुश्री फाइनान्स कम्पनीले लाभांश घोषणा गरेको छ । कम्पनीले सेयरधनीहरुलाई ४६ प्रतिशत लाभांश दिने प्रस्ताव गरेको हो ।
कम्पनीको शुक्रबार बसेको संचालक समितिको बैठकले गत आर्थिक वर्ष २०७७/७८ को मुनाफाबाट सेयरधनीहरुलाई ४० प्रतिशत बोनस सेयर र कर सहित ६ प्रतिशत नगद लाभांश दिने भएको हो ।
प्रस्तावित उक्त लाभांश नेपाल राष्ट्र बैंकबाट स्वीकृत प्राप्त भई कम्पनीको आगामी वार्षिक साधारणसभाले पारित गनेपश्चात वितरण हुनेछ ।
मिथिला लघुवित्त : मिथिला लघुवित्त वित्तीय संस्थाले लाभांश घोषणा गरेको छ ।
कम्पनीको गत मंसिर २४ बसेको सञ्चालक समितिको बैठकले गत आर्थिक वर्ष २०७७/७८ को मुनाफाबाट लाभांश वितरण गर्ने घोषणा गरेको हो ।
कम्पनीले सेयरधनीलाई २५ प्रतिशत बोनस सेयर कर प्रयोजनको लागि १.३१ प्रतिशत नगद लाभांश वितरण गर्ने भएको हो ।
प्रस्तावित उक्त लाभांश नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाले पारित भएपश्चात वितरण हुनेछ ।
आँधिखोला लघुवित्त : आँधिखोला लघुवित्त वित्तीय संस्थाले लाभांश घोषणा गरेको छ । कम्पनीको आइतबार बसेको संचालक समितिको बैठकले लाभांश घोषण गरेको छ ।
कम्पनीले गत आर्थिक वर्ष २०७७/७८ को मुनाफाबाट सेयरधनीहरुलाई १९ प्रतिशत बोनस सेयर र कर प्रयोजनका लागि १ प्रतिशत नगद लाभांश वितरण गर्ने घोषणा गरेको हो ।
प्रस्तावित लाभांश नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाले पारित गरेपश्चात वितरण हुनेछ ।
गुडविल फाइनान्स : गुडविल फाइनान्स लिमिटेडले लाभांश घोषणा गरेको छ । कम्पनीको आइतबार बसेको संचालक समितिको बैठकले लाभांश घोषण गरेको छ ।
कम्पनीले गत आर्थिक वर्ष २०७७/७८ को मुनाफाबाट सेयरधनीहरुलाई १३ प्रतिशत लाभांश दिने घोषणा गरेको हो ।
कम्पनीले सेयधरनीहरुलाई ९.१ प्रतिशत बोनस सेयर र कर प्रयोजनका लागि ३.९ प्रतिशत नगद लाभांश वितरण गर्ने घोषणा गरेको हो ।
प्रस्तावित लाभांश नेपाल राष्ट्र बैंकबाट स्वीकृत भई कम्पनीको आगामी वार्षिक साधारणसभाले पारित गरेपश्चात वितरण हुनेछ ।
वि.सं.२०७८ मंसिर २९ बुधवार १८:०४ मा प्रकाशित
